..لحظة كفر ..

فارگاني ..
وچانت اعيوني حدر زلفه تنام..
وبيه تتوضه..
لون طرهه الفجر..
وچانت اشواگي..
مثل جنح الحمام..
تاخذ اسنيني لجل شوفه نذر..
وچانت اللهفه..
درب تاخذني ليه..
سفره ..
ومتاعي حنيني ويه الصبر ..
وچان كلشي بروحي بيه..
المشاعر ..
والسوالف ..
والعمر ..
وريحه الماضي لون مرني عطر ..
والظنون..
الترست اشليلي عذاب ..
وطفحة ادموعي لون طيفه يمر..
والغياب ..ولحظة اوداعه ..
التمرني..
سيف ويحز الوريد ويه النحر ..
وچان كل ظني يظل يمي صليب ..
خاف بشواگي احس لحظة ..
كفر ..
حته اصلبهه عله ارموشه وتبات ..
روحي ..
وانفيهه لون رادت عذر ..
وكون اصيرن..
طيف واغفه ابين اديه..
واشهگ انفاسه وتطفيلي الجمر..
وكون اشوفه ..
واشبع اعيوني بضواه ..
وبيه اتعلگ لون ناوي الهجر ..

وسلامتكم..
عقيل النجار