صحيفة نحو الشروق
كوم الطماع شوية..
دا نقطة في بحر مية
مهما بيكبش بأيده..
متملي عينه حاجة
عايشة وبسذاجة..
ولا فاهم فيها حاجة
تملي يمد ايده…
غريق في وسط مية
كوم الطماع شوية..
…
كوم الطماع قليل..
ومهما يشال يحمل
على طول عايز يكمل..
ديما ناقصله حاجة
طماع وعينه فارغة..
ما يملاها التراب
ولا تفرق حتى سرقة..
ولا يفرق اي باب
عايشة وبسذاجة..
ولا فاهم فيها حاجة
تملي يمد ايده..
غريق في وسط مية
كوم الطماع شوية..
…
لا بيحمد ربنا..
ولا راضي بالنصيب
بيمص في دمنا..
ولابس وش ديب
واكل حق الغلابة..
وبقينا وسط غابة
الطيب وسطهم..
بيعضو الف ديب
…
عمال يشيل يحمل..
على طول عايز يكمل
كومه ديما قليل..
تملي ناقصله حاجة
عايشها وبسذاجة..
غريق في وسط مية
كوم الطماع شوية..
…
ايمن شتا
المحرر الصحفي: أساهي فريد
المحرر الصحفي: بسام أحمد العبدالله