الرئيسية / إشراقات أدبية / كورونا إياك تشمت أو تعاير بقلم :الدكتور عمرو علي

كورونا إياك تشمت أو تعاير بقلم :الدكتور عمرو علي

Advertisement

( كــــورونـا. إيَّـاك تِـشْـمَــت أو تِــعَــايِــر ) بقلم الدكتور / عمرو على

** لو فـقــدْت يابنى شَـمَّــك ،، والكُـــرَات نقـصـت في دمَّــك ،،
لو حسيت فى نفَـسـك بضيــق ،، والكــحـة جافة ياصـديق ،،

تبـقـى هَــلِّـت الـبـــشــــايــــــر ..

تِـبْقَى دى أكيد كـــورونا ،، جالك ضيف خفيف وزايـِر ..

** لو أُصِبْت بالكــــورونا ،، دايما خليك صامد وصابــر ..

خُـدْ علاجك ، كل غذاءك ، وابتعد ، واياك تجــاور ..

و الكمامة البسها دايما ،، حتى وانت ع السَّــرايـــر ..

لو مُدَخِّـن ، يابنى بـطَّـل الشيشة ويَّا السَّــجــايِـــر ..

افتح الشباك ، هَـوِّى أوضتك ، وارْخِ قوام السَّــتـايِـــر ..

** وَاوْصِى باقى الناس وصية ،، اكتبوها فى الدفـاتـر ..

اوعاك ياولدى الـشـمــاتـة ، واوعاك لِـمُصاب تِـعَــايِـــر ..

عيب عليك نظرة شــمــاتـة ،، د انت أسوأْ مِ الضَّــرايِــر ..

ده الكـــورونــا ممكن تصيبك ،، مهو أصله كاس ودايِـــر ..

« ممكن اَتْصَــاب فى ديسمــبر ،، وانْتَ بَعْــدِى فى ينــايـِــر »..

***** ده الكورونا ، كــائن عنـيـف ،

كــائن فظيع كــائن مـخـيـف ،

رغم انه فيــروس ضعـيـف ،

بس سرعة انتشاره ،، هى سِـــرّ انتصاره

فى الْحَضَر وِفْ كل ريــف ..

** يا بن بلــدى لاشمــاتة فى المـرض ، خـلـيـك لطيـف ،،

ده اللى يشمت فى أخوه ، صـدَّقْـنى يبقى إنسان سخيـف ..

يبقى مِشْ وِلْــد أصــول / يبقى إنسان فـعــلا جَـهُــول ،،

هُـوَّ ده طبع العَـــزُول / عُـمْـر قلبه ،، ما كان نظيـف (ض).

** بقلمى @@ عـمــرو عـلــى …

20 إبـــريــل 2021 م

عن يونس كروشي: مراسل صحفي

Avatar

شاهد أيضاً

راجع لدنيتي بقلم :إسلام عامر

Advertisement راجع لدنيتي بكل قوتي سبقاني خطوتي لبداية سكتي من غير ألام ومواجع راجع ايوة …

والدي بقلم:الأستاذة المتميزة بورديم آمينة

Advertisement ….والديّ… تلك هي امي.. حملتني في البطن تسعا… وارضعتني الحولين… تعبت وربت… واسعدتني في …

اترك تعليقاً