الرئيسية / إشراقات أدبية / قصيدة إعتذار رسمى //بقلم أيمن البكري

قصيدة إعتذار رسمى //بقلم أيمن البكري

Advertisement

قصيدة

إعتذار رسمى

بقلم أيمن البكري

أنا أسف
زعلك منى بيقتلنى
وكأنه حزام ناسف
أنا أسف
وجودك كان مطمنى
وبعيد عنك بكون خايف
أنا أسف
غلط فيكى محستش بيكى
وكأنى لما حكيت
فى لحظه بقيت
أعمى ومش شايف
أنا أسف

غصب عني بلاقينى
بجمالك مفتون
إختارك قلبى وعينى
من وسط كل بنات الكون
عايزه تبعدى وتنسينى
قالولك عنى داه لف ودار
ومشى كتير فى البطال
لا والله لا بعرف أغش
ولا عمرى كنت بخون

أنا أسف
ولو غلط غلطه سامحيني
داه أنا لو عملت بحر ذنوب
ورجعت لربنا علشان أتوب
هيقبل توبتى وهيقبلنى
كنت مستنى
قبل ما تقررى البعد
تفتكرى كان بينا
كام ذكرى وكام وعد
وإنك لما تسبينى
دى أكتر حاجه لو حصلت
ممكن بجد تكسرنى

مستعد أكتب بيان
يتذاع فى كل العالم
أقولك فيه أنا أسف
أنا الغلطان وأنا الظالم
أستاهل إنى أتهد
إنى أضيع إنى أتهان
بس متبعديش عنى
مستعد أكتبلك أنا أسف
يشوفها كل الناس
وأمضى تحتها ب إسمى
وأدينى قدام كل الناس
بكتبلك إعتذار رسمى

عن nahwechorouk

Avatar
صحيفة جزائرية إلكترونية ورقية أدبية فنية ثقافية شاملة

شاهد أيضاً

تغريدة سلام //الشاعرة غنوة حمزة

Advertisement تغريدة سلام لنحب بعضنا في الله أينما حللنا وأرتحلنا ولو أختلفت لغة اللسان كلنا …

تألق النساء //للشاعرة ملفينا ابومراد من لبنان

Advertisement تألق النساء *** نساء تالقت ان همت بحبهن جعلنك فوق السحاب غَمارَ ١ جعلنك …

اترك تعليقاً