الرئيسية / عامي/نبطي / عشق البسس بقلم عبد الرسول كريم

عشق البسس بقلم عبد الرسول كريم

Advertisement

( عشق البسس )

 

ربيتك يا قط ولا صنت الربايا

علمتك تصيد وتقبض فيران

سايب الفيران بتنخر حيطانا

لايف وداير مع بسيسة الجيران

قرضوا الشوايل واكلوا الغلال

ودخلوا الجرون وقادوا النيران

وقاعد سعادتك بتبرم شنابك

ومغمي العينين وساد الودان

ف حب البسيسه اتقلب كيانك

والعشق هانك ونسيت اللي كان

بتغيب بالسبوع واحيانا شهور

يافوق السطوح أو بين الغيطان

وكانك شيطان تدلدل ف ديلك

مهدود ف حيلك ومن غير سنان

تشوف الفيران ف البيت بترعي

تجري وبسرعه وتسوق الجنان

يا خسارة الربايه يا ألفين خساره

العشق خلاك تخاف م الفيران

 

شعر المستشار/عبد الرسول كريم

عن سوسن زراري محررة صحفية

سوسن زراري محررة صحفية
صاحبة كتاب الكرِيزُوكُولاَ "حديث الوِجدَان " مشرفة على كتاب صدى أحرف ضائعة

شاهد أيضاً

رمضان جانا بقلم محمد عناني

Advertisement رمضان جانا رمضان جانا وهل هلاله بعد غياب وإحنا إشتقناله ومن قلبنا و الله …

من غير وداع بقلم فاطمة محمد محمود

Advertisement من غير وداع غابوا الحبايب ولا ودعونا لا جانا منهم مرسال ولا كلمة تريح …

اترك تعليقاً