(قصيدة تفعيلة-شعبية)
عال بيه المغربيه
و چان فانوس الخرایب شایب ایجالع نفس
ظالم الليل بسكوته و یرفس بطنه رفس
وانا حرمه ابلا کفیل
و سگفي طین و فاتح اجروحه المطر
وین ماباوعلي ارضه الحاطه ابطوفتنه طر
ومن شلت چفي اوگعن منها جهال
چلبو بذیالي جوع
وانا بس الله کریم اچفوفي بیهن
وعینهم بیها ارتجاء
مدري لیش و شنو ذنبي
انا أصوم
انا اصلي
وما بعت کحله اعله شارع
لا كفرت بدين فزاعة مزارع
ولا زلف لوّنته قزاح المطر
ولا حجل فززله بار
علمت طول العبایه یمشی وی طولی اخو
انا من امشی الشوارع تحچی ابظهری کفو
شنهو ذنبی
شنهو ذنبي
بس اگلک؟؟؟؟؟؟
حیل اچذب!!!!!!
کل مسیة اغروب جدري یطبخ الماقاسمه الله
و چنت اگول اللیله نتعشی غموس
کلها تفرح
کلها تضحک
حتی حیطان الخرایب تضحک اتطیح غبار
صبخه عين الانتظار
المايمر بيها القطار
چنت اچذب
حيل اچذب
و ثگلن اعیون الزغار
کاااآاان یا ماکان نامت
کلها نامت
اطفالي نامت
الطوفه نامت
و ضل جدرنه الیطبخ الماقاسمه الله
ونامت اعيون الغني وماگام صله
الجوع کافر
العوز کافر
عال بیه المغربیه
وآنه حرمه ابلا ولي
امنين اجيب اشوي علي
ديره مابيها علي
عال بیه و ناسي مابیهم علي
……
الشاعرة زهرا جبار الاهوازية
