((شد حيلك)) للشاعر نور الدين محمد احمد

((شد حيلك))

قوم ياحيلي شد حيلك
ربي لك هو المعين

مين يشيل عنك حمولك
مين بيمسح دمع عين

قوم كفاياك إنتظار
قولي العشم واخدك لفين

أوعى تقولي للي إنقطم ظهرك عليهم
للي النهاردة بيستعاروا من شقوق مالية الإيدين

للي لابس سلسة زي كلب داير يمين

للي مش عارف عمايلة
يجي بكرة تبقى دين

قوم يا حيلي شد نفسك
دا مش أبنك من سنين

إبنك خلاص باع اللي منه
أصله ياعيني حلف اليمين

والمحكمة خارج إرادته
سجانه ما بيسمع آنين

قوم ياحيلي شد نفسك
ليه البكى وليه العويل

ربك يعوضك اللي فات
فات الكتير باقي القليل

أوعى تقلق م اللي جاي
دور الرعاية فيه البديل

ايه جرى لما تخلف
وبالخلف بتعيش عليل

إقلع جذور عم العشم
صاحب العشم عايش ذليل

وامسح بكفك دمع عينك
لسى مازال حملك تقيل

بقلم
نور الدين محمد(نبيل)
٢٧/٨/٢٠٢٤

Related Posts

كَفُّ أبي

أبتاهُ، يا نورَ هذا القلبِ في ظُلَمِييا من يداوي الاسى دوما ويشفينيإذا تناءتْ بيَ الأيامُ في تعبٍكنتَ الدعاءَ الذي مازال  يَحمينييداكَ مأوى، وعينُك إن نظرتَ بهاكأنها آيةٌ تُتلى لتحمينيكفُّ أبي…

مشاهير الاكراد في تركيا

مشاهير الاكراد في تركيا نبذة عن اجداد الامير محمود قبلان بن شيخ بوزان بن شيخ حسن(شيخ مشايخ الشيخان) بن الامير شيخ نبي(امير الراية سهل سروج) آل الامير سيف الدين (السيفكـــــــــــــية)…

اترك تعليقاً