رمضان بعراقنه غير … شعبي

اجه رمضان
و كل الدنيه فرحانه
شمالج يا العراقية
ما تفرحين ويانه
مغروسه بظهرج سجاجين
و خلي تضحكين
و أنت مخنوكَة
و خلي كَاعج بألدم غركَانه
كذبي علينه و أبتسمي
و كولي كولشي منريد
و شوفوني من كذبكم
البطن سمنانه
و تعيشون بفرح
يالما عدكم احساس
وحتى الخيمة علينه حزنانه
صيام العراقي
ينحسب صومين
صوم لله
و صوم على بلوانه
رمضانك ياعراق غير
رمضانك شما اكلت
و شما أشربت
تبقى النفس
للآمان عطشانه
عراق انت امي
و انت بوي
و انت اختي و انت خوي
و انت البيت و جيرانه
افرح و لو حتى فرحتك
حزن
و تدري بضحكتك
بالدم مليانه
بلكي يجينه الفرج من ابعيد
مو بعيده عند ربك
يجينه العيد
و بالخير تلكَانه
و إن شاء ربي
برمضان الجاي
الكل مجتمعين
و اليحبنه
يفرح ويانه
بقلمي حسان الأمين