بنت العشرين
***باللهجة اللبنانية
***
وصيتي يا ستي تروي
لا تنغشي بهاك المغوي
اوعى هيدا فخ للسقوط
بهوة هل الكون المجوي
لا لا تنغري بجمالك
أخلاقك راس مالك
الخجل مالك ورسمالك
بالطهارة تعيشي و تقوي
يا ستي
ولاد الحرام كتار
ما الهم اي دبار
انتبهي من الاشرار
الطهارة بروحك حلوة
حتى تعيشي بكرامة
بالصحة و السلامة
ما تحسي بالندامة
توقي من الهمس المغوي
يا في رجال دياب
بتياب الطهارة حباب
لم بكشر ع الانياب
ضحيتو بالهوة بتهوي
بقلمي📝 ملفينا ابومراد
لبنان🇱🇧
٢٠٢٤/٦/٢٦
