أعلَا هَمي مااعـْـرفتش ويْن أنْصــُـد
رحْلي هامِل في خْلا زرْعي مَّحْصُود

مِّثلي مثْل الطَّيْر هَايم مِشـــــــَّـــرد
مَّقطُوع الجَنحين بالفَّخه مَّشـــدُود

ياهمي بالهم باللّه اسْـــــــــــــتَرفد
هايِم بين امْحان مَّاليهَاش احْـدُود

غَيث الرَّحمه راح مَّاعَادش يَرعــٓــد
حَّر اشْهيِلي راه مَّايعْطِيش ابـْـــرُود

مَّابقٓالي لآجــار لاحْبيِـــب لا وْلـــــد
كِّي حَبست السَّاقيه مايَا مَّركـُـــــود

هٓم الدُنيا فَاض ونَّا مِشّــــــــٓـــــــرَّد
غَارق في لَحـْزان مِّن هٓـمِّي مٓــمدُود

ياحَسراه ازمان مَّرقـوم امْلــٓـــــــبَّد
بالصحه والمال والـزين المقـــــدود

يٓا حَسراه اغْزال في الصَّحراشـٓــارد
ما حٓكمو صيَّاد ماقاسُو بــــــٓــــارود

صٓارت دُنيا مالحۃ واللَّون اســْــــود
ياعَجبي من صَّابتو رجْعت عجْـرود

النَّخلا ابلا راس ماتٓطمع بِمـــْــــــشد
ايعشَّش فيها البُوم .النــّــملۃ والدُّود

ياقٓاري لبيــَـــات أفْطن واتفقَّـــــــد
هذي الصُّوره راه مُـولاها مقصُــــود

نخْتم بالصـَّٓـــلاة عن طَـه لمــْــــجَد
واسِع مُلــْـكك يَّالله مالّيه احـْــدُود .