صحيفة نحو الشروق
ٱاااه هوا أنا…
؛؛؛؛؛؛؛؛؛؛؛؛؛؛؛؛
واللي مرسوم قدام هويتي جلابيتي..
ايوا أنا..
وانا اللي متسطح وأنا مروح راسي علي طاقيتي
فوق سقف علبة حديد ..
صدي مفيش تجديد ودي قضيتي..
كل فصايل الدم ف كوم ياعم وفصيلتي أنا ،،صعيدي،،
كلمة وقالها الجدع
لما ف اجازتوو رجع
من حرستوو حدود البلد للخدمة في الغيطي
كنا عيال صغار ..
نلعب قصاد الدار ..
وعشان أنا بنية فشديدة تربيتي ..
حاضر يا أمي ونعم ولا تسمعوش صوتي…
كان الأمان فدان ..
والقلة نهر كمان.
والنخل يرمي البلح
سكر وشهد وطرح
واعواد عسل يا قصب من جبلي أنا حديتي ..
وخطبني أنا واد عمي..
دموو بيجري ف دمي..
جاااايلك في عيد الأم.. وهديتي ف جيبي ..
جايبلي شال أحمر..
بس النهار أسمررر
والشمس غابت ضهر
جاني الخبر الاغبر..
الكل مستنظر
القطر اديييه أتأخر…
موصلش ولاوصّل..
واد عمي راح تحتيه
عمرك سمعت يابيه
من بحري لجبليييه
إن القيامة تقووم
الجمعة كان اليوم
وقبورنا صبحت كوووم..
ومعاه رسالة يقول…طب قولي مين مسؤل؟!!
أنا شالي كان أبيض..تلفيحتي …جلابيتي..
سالت دمايا عليه..ضاعت أنا هديتي!!!
وصعيدي دي هويتي..
…هند فهمي..
المحررة الصحفية: لطيفة محمد حسيب القاضي
المحرر الصحفي: عوض خلف عوض
