صحيفة نحو الشروق
ياسكة المشتاق..
شعر اﻷستاذ محمود القطوعي. .
بعيده ياسكة المشتاق..
وكان عشمنا نقرب اﻷشواق..
تعيش ف القلب..
تقوي حظنا ..
اتاري ايامنا بتبعدنا..
وبنحاول نكون لبعضنا..
وبنحاول نلم يوم شملنا..
وليه الخوف ..
مالي قلوبنا ..
وليه الخوف يهدينا..
نقرب يوم خطاوينا..
ونبعد كل هموم ..
منينا ..
وايه يعني ..
لو اتهنينا ..
وايه يعني لوروحنا..
ولوجينا ..
ما الحبايب اتهنوا …
كتير قبلينا ..
وليه احنا ..
ياشوق القلب..
سارق النوم ..
من عنينا ..
يصحينا حنين وحنين..
وتبعدنا سنين وسنين..
وصابحنا كتير تيهين..
لاعرفين يوم ..
نروح على فين…
ولاعرفين طريقنا منين..
ومين يقرب خطاوينا..
سألنا كتير ما سمعونا..
ولاسألوا ونسيونا..
وفكرنهم وسابونا ..
شعر اﻷستاذ محمود القطوعي. .
وسابوا الخوف..
يخوفنا ..
وليه ماردوا ..
على سؤالنا..
حبايبنا بتوع زمان..
صبح ليهم ..
مكان تاني ..
وباعوا الود ..
ويا الحنان ..
وسابونا مين الجاني..
خلاص براحتهم ..
ياهوى اﻷحباب..
في راحتهم ما نلقى..
جواب ..
احنا بس صعبان علينا..
عشرة عشرة عمر..
كانت لينا..
وياما فيها اتهنينا..
وحرمونا ونسيونا..
وسابوا الهم يكوينا..
حنعيش للحب ..
ولوجونا يلاقوا الحب..
هنا عايش يدفيهم..
وبرضاهم يدفينا..
يعيش ف الروح ويرضينا..
وليه بعيده ياسكة المشتاق..
وفين بتودي كتير اشواق..
وعمله ايه مع العشاق..
وعمله ايه مع العشاق..
شعر اﻷستاذ محمود القطوعي. .
المحرر الصحفي: بسام أحمد العبدالله
المحرر الصحفي: أساهي فريد
