هو دا الحب عندي
محمد ضباشه

اللى فاكرة الحب لعبة
وان اعيش اللحظة فيه
تبقى قلب بفكرة هبلة
بين دراعها ما تلاقيه
او تشوف ف عينيها بصة
ويا شوق مادد يديه
جاى يقولك كلى ملكك
والحياة طاله ف عينيه
يا هيام كل اللى رايح
اللى جاى صعبان عليه
يبقى قلب بحب طارح
للى سارح فيه وليه
يبنى بيه ع الغصن عشه
واللى فيه بعيون شاريه
يلقى حضن فى ليل يضمه
مش قساوة بتعاديه
تلغى كل الكون عشانه
يبقى هو الكون مليه
هو دا الحب عندي
لو مكانى تقولى ايه؟
لما نبض القلب يشكي
م اللى كان موجه يناديه
ع الشطوط ما قلب راسي
للمراسى تعدى ليه
كان بيهرب من خيالك
لما مال الغصن بيه