صحيفة نحو الشروق
نرفزة ملعب
فتحيه على عبد النبي
*******************************
وبقيت قصاد الناس متصدر المشهد
ماشي في حارة سد
وكل لما أقرب لك تبعد عني و تصد
و بأيدي شربت الكاس
هو حقيقي غلط كان نفسي يبقى عندك رد
مش معنى أنك مهم وصاحب المهرجان
تعرض لنا الأفلام ألي كانت مالأصل
أفلام ممنوعة يا أبو ضحكة مصنوعة
راح فين بقى ياعم الحب بتاع زمان
والله كانت معاية تفرق حكاية يوم الوداع
و مين الي أستغنى وباع
ومين من الحب
صورني أجمل صورة في زمن الخداع
و كأن قدام برواز من أزاز و مراية مكسورة
ووقفت في مكاني وعنيك متابعاني
فهمني أية هو الحل
رسيني كدا على بر
لا قدرت تنساني
والعجيبة أنا لسة بيك مبهورة
كان لك تاريخ كبير في الهري و التحفيل
وأية ألي خلا كلامك قليل
هو من تغيير المناخ
و لا نرفزة ملعب
أحكيلي شوية تفاصيل أنا حالي منك أصعب
المحرر الصحفي: أساهي فريد
المحرر الصحفي: بسام أحمد العبدالله
المراسل الصحفي: محمد وسوف