غربة القلوب

في ناس قريبه وجمبنا لكن كانها مش هنا

البعد مش بعد المسافه والقرب مش قرب المكان

وناس بعيده عننا لكن قريبه لقلبنا

في قلوب كتير قاسيه وقلوب مليانه حب وحنان

في قلوب تحبك وتصونك وفاكراك علطول

حتي لو بعيد عنك وفرقكوا الزمان

يزيد البعد مهما يزيد والفرقه تطول

لكن قلوبها زي ماهي وعمرها مازرها النسيان

في قلوب جمبك شايفه ملامحك سامعه صوتك

تقعد معاها تلاقيك بعيد عنها وبينكوا مسافه في الشعور

تلاقيها مش حساك ولا كانها عارفاك

بعيده روحكوا عن بعضها وقلوبكم في مابينها سور

القرب هو قرب القلوب وتلاقي الارواح

مهما كان بينهم مسافه بينهم تواصل

حاسين ببعض في الاحزان وفي الافراح

لافراق ولا بعد ولا مسافه تفرقهم مهما كان حاصل

قريب المكان ممكن يشوف حزنك بعينه

لكن عمره مايحسه ولا يفرق معاه

لكن قريب القلب حتي ولو مش شايفك يحس بيك

يا سلام لو قريب القلب قريب المكان

يسعد قلبك وروحك وتشوفه تفرح عنيك

زكيه فيصل