صحيفة نحو الشروق
عمل جديد ولأول مرة يجمع بين ثنائــي لشاعران من الجزائر
الأستاذ : جميل حفافني من ولاية : عنابة
والأستاذة : عابدية قواس من ولاية : تيارت
بنت الريف
سرك فالبسمات مهوشي قدي
ونا عليه نجول في بوادي خيال
في كل يوم نشوفك على الحوش تعدي
من دقت لشفار يركبني لهبال
يا عجبي فالزين وما يخلق ربي
اعليها. نضرات اعيونها فنجال
حزن عليها غاص في القلب مخبي
جار عليا يناس وبدلي لحوال
رجعت نبات. الليل على غصن مندي
اعذرني يا فاهم وتفهم لقوال
الشعر المفتول على الكتف مسدي
دقتني دقات اورن الخلخال
بقيت. لهيه جالس يدي على خدي
مونس بالشمعات ودمعي سيال
هذي العذرا قا صيا ما تعرف ربي
انتي عذراء قاصيا. ماتعرف ربي
هجرتني ومابقاتش عليا تسال
خلاتني مجروح غيضي في قلبي
حامل حزن كبير في جوفي ميال
يا حصرا عليك كي كنتي في جنبي
مفتولت العين عليا كانت تسال
هجرتني خلاص وحفرتلي قبري
ما كا ن لي في البال هذا العشق هبال
نختم هذي البيت ونوفي حبري
ملقب جميل طارز. المقال
المكني حفا فني عاشق ما يدري
خبرني عن طريق نهرب ما نولي
فيه نضمد جرحي ونخبي حالي
كلمني على المغنى وماقالو بكري
ولادور على وجهي في مجالس لخوال
لاتغرك شفاه ملونة تغني
في كل يوم تلقها بحلى
لا تسمع حسي وتشوف دمعتي
وانا جرحي ماينفعه لاطبيب ولاراقي
مهوش الكلام الحلو لينصف عمري
خلينا من كلام الحب واللين عني
وقطع ذيك لحبال
وداويني بكلام الحق والدين ينڨال
وقِـيْس زيارتك في كل الوليةولجبال
الظلم لنشوف في الحوش عني
ماترفدوش كثير من لجبال
ياسامعين ومصدقين بالبرهان
هذا كلامي. ختاموا مسك الانام
بديت كلام بكلمة حلوة
ونختمو بالصلاة على النبي. العدنان
بقلم كل من :
أ – جميل حفافني/ عنابة
أ- عابدية قواس / تيارت
المحرر الصحفي: بسام أحمد العبدالله
المراسل الصحفي: محمد وسوف
