عشت وهم
كنت فاكر اني ساكن
جوا قلب عشقني جد
‏مش بيتسلا بهوايا
‏مش هايخلف بيا وعد
‏قال معايا قال بحبك
‏حب عمرو ماحبوحد
‏قاللي بكرة الليل معايا
‏فيه هاقيدلك ألف شمع
‏شمع فرحي بيك لقربي
‏وحبي تدفى بيه فى حضني
‏ومش هانطفي الشوق لبعض
‏قال معايا قال كتير
‏إتخدعت معاه في حبو
‏وعشت وهم معاه كبير
‏قاللي ياما كتير في حضني
‏إوعى تبعد عني أموت
‏نفسي أقولك كلمة أكبر
‏من بحبك نفسي موت
‏اللي عندي ليك في قلبي
‏مش هاتوصف فية الحروف
‏إوعى تبعد عنى لحظة
‏بعدي عنك يعني موت
‏نفسي أصرخ ماللي فيا
‏والي شوفتو بأعلى صوت
‏كان بيتسلى بهوايا
‏وكان بيلعب بيا جد
‏كنت فاكر إني ساكن
‏جوا قلب عشقني جد
‏كان لي كل الدنيا هو
‏كان ساكني فقلبي جوا
‏كان باشوف الناس بشكلو
‏وفمرايتي بأشوفني شكلو
‏واما بانلي على الحقيقة
‏إتصدمت فاجئني شكلو
‏والكلام كان كلو حافظو
‏وقالو قبلي لألف شكلي
‏وإتخدعت بقلبي فية
ذى ألف إتخدعو شكلي
كنت فاكر إني ساكن
جوا قلبي عشقني جد
علي دياب محمد …عامية مصريه