حوريه
؛؛؛؛؛؛؛؛؛؛؛
عن جمالك انا اقول ايه
وعن طعم ايامك انااكتب ايه
وخايف من الحرمانيه
ياللي عاشقك قلبي ولياليه
انا ف حيره اكتب ايه
يا جبل فين صبر رمالك
لما خطاوي الغزال تمر عليه
يا قمر روح ولم عزالك
قمرنا بينور العالم واللي فيه
ياشجر خبي خضارك
الخضره الحلوه مزروعه ف عنيه
انا ف حيره اكتب ايه
يا ام العيون النعسانه
انا من الطينه الشقيانه
وأرض قلبي جافه وعطشانه
وعالم الحرمان ماليه
وخايف من الحرمانيه
انا ف حيره اكتب ايه
حوريه من الجنه جايه
تطبطب على وجع الدنيا
ونبض القلب المهموم ب اللي فيه
انا ف حيرة اكتب ايه
يا عالم الإنسانيه
هو فيه كدا طعامه حنيه
منقوشه عسل لا اكتر شويه
من الشقاوه من الحلاوه
اللي بتدوب العلقم المر
ياعالم الإنسانيه
هو في كدا انسيا
ولا دي جنيا مداريه
ف نظرة عنيه والعالم اللي انا فيه
انا ف حيره اكتب ايه
لولا خوفي من الحرمانيه
يا حبيبة قلبي وعنيه
كنت ارسم ملامحك كلها ف حروفي
يا بنت النحله بعشقك وصامت من خوفي
وبرسمك عروسة النيل
وب ندهك بقمر الليل
وغصب عني ح اقول فيكي مواويل
ومخبي قلبي ليكي ف منديل
تعالى بلاش تتعالى
انا اكتر واحد ف العالم
يعشق قلبك ونبض لياليه
انا ف حيره اكتب ايه
وعن جمالك اقول ايه
حوريه
على عبدالرحيم محمد