زمان البعد فرقنا
زمان الدنيا بعدتنا
وقلنا هننسي
حبايبنا ولا نسينا
ولا بعدت في يوم
عنا خطاوينا
ولا نسينا ليالي زمان
ولا حب ما بينا كان
ولا ضاعت ولا راحت
معاهم حكاوينا
وتاني رجعنا للذكري
وقلنا هانكمل خطاوينا
و انا مش هنسي
ولا قلبي هيبعد
يوم، ولا يقسي
وهفضل ليك انا شاري
وعن حبي لا
هخبي ولا هداري
دا اجمل حب
حبيته وقلنا بعدنا
لا نسيني ولا نسيته
انا شمسه انا ضله انا بيته
انا يا خلق ياهو حبيته
زمان الدنيا بعدتنا
عن روحنا
ولا قدرت تنسينا
حبايبنا ولا جروحنا