حاله نفسيه

كلمات/أيمن البكري

إحنا غلابه
إحنا إل الدنيا كرهانه
عايشين ف ذل وإهانه
إحنا ديمن الحيطه المايله
إل لكل الحمول شايله
ومهما تلف بينا الدايره
الخوف والحزن جوانا
عايشين ف جراح وأسيه
وبقينا حاجه منسيه
من كتر ألامنا ووجعنا
جاتلنا حاله نفسيه

حاله نفسيه
حاله كل يوم تقابلنا
حاله كل يوم بنعيشها
دي ناس مش قادره
تعيش ف الدنيا
من كتر أحزانها وخوفها
عايشينها ف ذل وهم
طعمها بقا ذي السم
لا يوم كان فيها أمل ليهم
ولا غير المر بتسقيهم
سهل تاخد منهم
صعب قوي تديهم
ياما ناس ف الدنيا تعبانه
وف بحر همومها غرقانه
وهيعملوا بس إيه
ف دنيا قاسيه عليهم
بتهد كل يوم فيهم
داه الموت
بقا أحسن ليهم
من إل هما فيه

حاله نفسيه
حاله كل يوم تقابلنا
حاله كل يوم بنعيشها
ماشفتش بنت مالهاش حد
الدنيا كانت عليها قاسيه
بتبيع نفسها والتمن ولا يسوي
ولو سألتها بتعملي كده ليه
هتقولك هي دي السلعه إل ماشيه
بقا هي دي السلعه إل ماشيه

حاله نفسيه
حاله كل يوم تقابلنا
حاله كل يوم بنعيشها
ماشفتش شاب جاله إكتئاب
من كتر ما شاف ظلم حواليه
أعز الناس باعوه ببلاش
وداسوا بكل قسوه عليه
منين ما يروح يلاقي الظلم
حتي في الحلم
مبقاش عارف يعمل إيه

حاله نفسيه
حاله كل يوم تقابلنا
حاله كل يوم بنعيشها
شفت الناس الغلابه
إل واكلها الديابه
شفت أطفال الشوارع
شفت الحلم إل ضايع
شفت الندل الجبان
شفت الدنيا
إل إتقلب فيها الميزان
السرقه بقت شطاره
والخيانه بقت مهاره
ولسه ياما هتقابل ف حياتك
ناس ف منتهي القذاره
حاله نفسيه