صحيفة نحو الشروق
بعتني بحچاية ((شعبي))
چانت أرموشي ألك
غطه
و وجهي الك مرايه
وكدامي تنشر ورد
وابظهري تحط سلاّيه
ليش من يكرمك الكريم
تعض ايده
وكدامي حچيك حلو
و الما حلو
الي تحچيه ورايَّه
ومن ضاك بيَّ الوكت
صارت ايدك
اجناح وطرت
حسبالك انتهيت
وكَلت ابنفسك
هاي النهايه
ومن اعرفتني
صرت اقوى من زمان
جيت وجبت
لأهل الي احبها مشايه
چنك ما تدري أحبها
و چانت كل أسراري
عندك
و چنت الي علم
و رايه
تلاكَيتم خاين
و خاينه
الي خان مره
يبقى طول العمر
الخيانه اله غايه
لا اريدك
ولا اريد الي خانت
بالعهد
قوي اني بأيماني
ورب العرش كَشف
من الي صادق
ومنو الي يبيع صاحبه
بحجايه
حسان ألأمين
المحرر الصحفي: أساهي فريد
