النهارده فرحي

كلمات/ أيمن البكري

سابتني وبعد فتره
لقتها بعتالي رساله
بتقولي عقبالك
النهارده فرحي
ياريت تكون
أول واحد موجود معايا
وبلاش تبقي إنت
سبب ألمي وجرحي
طيب لو إنتي مكاني
كنتي هتقدري
بكل سهوله كده تسامحي

بس كويس
إن إنتي لسه فاكراني
بجد كتر ألف خيرك
هو أنا عمري
ف يوم إتأخرت عنك
علي عيني حاضر هجيلك
زمان كنت أنا ذي ضلك
سنين طويله وأنا أميرك
والنهارده هو إل هيبقي
ف الكوشه جنبك
بس ياريت جوه عنيه يشيلك

زمان لما جيتي تسبيني
قولتيلي سامحني
أنا وإنت ظروفنا صعبه
وكأنك كنتي قاصده تقوليلي
إنت مش مالي عيني
وحبنا كان وهم وكدبه
سبتك وأنا بتمنالك كل خير
طلباتك ب النسبالي
كانت مستحيل
حسيت معاكي كتير
إن أنا ب النسبالك مجرد لعبه

أنا جيتلك النهارده
حسب رغبتك وطلبك
ولما وصلت حسيت
إنك جايباني
علشان أشوف
بعيني سعادتك
وأد إيه الهنا
إل إنتي فيه
وإني دلوقتي
مساويش حاجه جنبك

ف ليلة زفافك
أول ما قلبي شافك
وعنيا جات ف عنيكي
شفت فيهم فرحه
باينه من تحت الطرحه
بتقول إنك نسيتي
نسيتي واحد كان
حبيبك زمان
ل إنك خلاص لقيتي
لقيتي واحد تاني
يحققلك كل الأماني
أنا مش ندمان عليكي

سابتني وبعد فتره
لقتها بعتالي رساله
بتقولي عقبالك
النهارده فرحي
ياريت تكون أول واحد
موجود معايا
وبلاش تبقي إنت
سبب ألمي وجرحي
طيب لو إنتي مكاني
كنتي هتقدري
بكل سهوله كده تسامحي