الكسوة ياقلعة عز
………………………………….
الكسوة ياقلعة عز والرب حاميها
وجبال من صوان هيبة بتعطيها
ورجالها شجعان تحمي أراضيها
وقت لبجد الجد بالروح تفديها
…………………………
يا زينة البلدان عنك عم يقولوا
شعبك وفي ومضياف والكل شهدولوا
الطيبة إلك عنوان والكرم عأصولوا
ترابك من المرجان وحجار من لولو
………………………………
يا مكللة بالغار والحب راعيكي
تلال الحبق والفل ومرج بأراضيكي
الشحرور والكروان بيتغزلوا فيكي
ورب السما والكون بالخير ماليكي
………………………….
الكسوة يا قطعة سما ومرصعة بالماس
ورجال متل نسور بتوقف لها حراس
فيها الشمس والنور ورايات فوق الراس
وفيها ورد وزهور بتضحك لكل الناس
……………………………………………..
ملك محمود الأصفر