الصمت للشاعر علي عبدالرحيم محمد

الصمت
٠٠٠٠٠٠٠٠٠
معركتي انا وحلمي وطموحي
مع الدنيا ب أيامها والامها
مع لياليا ب أفكارها واحلامها
معركتي مع روحي وجروحي
ياريت ماحبيت الكتابه ولا كتبت
مافي حدا يعرف قد ايه كافحت
مافي حدا يعرف قد ايه خسرت
يادنيا بعترف لك خسرت وفشلت
كلام كتير بيتقال ف الصمت
اكتر كتير من الاحباط والكبت
صرخه مسجونه
ف دقه مهزومه
ف فرحه معدومه
ف لحظة حيره وذهول
معقول جات اللحظه معقول
ان اكون عليهم رخيص وهنت
ياريت ماحبيت الكتابه ولا كتبت
كلام كتير بيتقال ف الصمت
انا لو كنت حجر
كان احتواني الجبل
والندى سقاني الأمل
وخاف مني العجز والعلل
وبعد عني همي وهم البشر
ولا دا كان ولادا خان
ولا دا باع وضاع ولا دا هان
ولا انا ف وسط البشر كنت
ولا حسيت ب الآلام ولا كتبت
كلام كتير بيتقال ف الصمت
اكتر بكتير من الاحباط والكبت
حب بنت الاكابر هجرتوا
وقلبي يكابر ويبعد عن سيرتوا
عشان حلم العمر اللي خسرتوا
وملالي الكأس من الكفاح
و البساطه والطيابه وشربتوا
ومشيت ادور ع طريق النجاح
ضاع العمر وعشت المر
وكل لحظه ف حياتي تمر
حلم عمري يانيا
انا كرهتوا بادنيا
ياريتني كنت صخر ضد النحت
ياريتني ما ف يوم حلمت
ولا حبيت الكتابه ولا كتبت
بعترف لك يادنيا انا خسرت
كلام كتير بيتقال ف الصمت
معركتي انا وحلمي وطموحي
انتهت بانبض قلبي ياحرف بوحي
وف لوحة الحرمان والنسيان اترسمت
بعترف لك يا أعز انسان انا ندمت
ولو اتغير المكان ورجع بيه الزمان
كنت هاحب تاني حلم عمري
ودا قدر مش بيدي ولا ب امري
ياريتني ما ف يوم حلمت
كلام كتير بيتقال ف الصمت
الصمت
بقلم على عبدالرحيم محمد

Avatar

صحيفة نحو الشروق

صحيفة جزائرية إلكترونية ورقية أدبية فنية ثقافية شاملة

Related Posts

الصبر بقلم الكاتبة والأديبة اللبنانية ملفينا ابومراد

الصبر كم قيل في الصبر من المحاسن، حتى في الكتاب المقدس، حيث يُعدّ الصبر من ثمار الروح، ومن علامات الرجاء والإيمان .ففي رسالة القديس بولس إلى أهل رومية (8:‏25)، يقول“لَكِنْ…

وحي ظلك بقلم يسار الحبيب

وحي ظلك ضع شهقتين على دروب قصيدتيلأسوس أســـراب الحــروف وأحـــذراأنا لسـت حـوذيَّ النــصوص، وإنــــماورّطتَ قلبي…. مـــذ عرفتــك أسـمراأنـا غــارق في النصّ أبحث عن غدٍمنذ امـــرئ القـــيس استـجار بقيصرايا آخــــر الأحــــزان…

اترك تعليقاً