صحيفة نحو الشروق
الدنيا مصالح … شعبي
بقلمي حسان ألأمين
صدكَـــ يا بشر
الدنيا مَصالح
ما يفيد بيها كلام
ب هالزمن و لا نصائح
الوفي بيهامع الأسف
دوم خسران
و الغدار بيها اكثر الأحيان
ناجح
وجربت بها العمر
انواع من البشر
الغني بدنيته
و الحظه طايح
و ما فاد الحجي وياهم
و صار الدرب ألي
واضح
أذا بيديك تأمر و تنهي
انتَ فوكَـــــ ألراس
و أذا صرت اخوهم
أنتَ غير صالح
تاهت اوجوه البشر
و ماتنحزر
و ما تعرف اليا عيب
الـ نكافح
حتى الكلام الحلو
اتغير علينا
و بلا مستحى
من يكَطر عسل
صار جارح
و ما تبين منو
اليوكَف أوياكــــ
بها اليوم حتى ألاخو
صار ذابح
اوصيكم يا ها ألبشر
انتقوا الأحبه
و ميزوا منو الزين
و منو الطالح
حتى لا توكَعون
بنفس ألخطأ
و حذاري
من الي ألك مادح
يضحك بوجهك
بالكذب
و أول واحد لو متت
بدماك سابح
راح اكتبها
على جدار الصداقه
و إذا ما فادت
ارسمها وسويها لوايح
شما مشيت
و ياهم بالعدل
لو مرة اغلطت
تتلفق ألك
آلآف الفضايح
ويظل جرحي
من الغدر تعبان
ويظل كَلبي يدور
علـ الطبيب
الي بيه تظل ناجح
و ربك يعرف يا هو
العدل
و يكتبلك الخير
من تموت
و كلنا اله رايح
بقلمي حسان ألأمين
المحرر الصحفي: بسام أحمد العبدالله
المحرر الصحفي: أساهي فريد