صحيفة نحو الشروق
اذكريني
يا حبيبتى في اليقظة
وفي منامك وأذكري
الورد والياسمين والفل
اللي كنت بهديهولك
اذكريني حتى بعد
مماتي أوعي تيجي
في يوم وتنسيني
اذكريني وأذكري كل
لحظة حلوه عشناها سوا
وحكيها للناس دحنا
عشاق الهوى
اذكريني وأذكري كل
كلمة حب من قلبي
قولتها ليكي بس في
ساعة رضا
اذكريني وأذكري كل
الوعود اللي وعدتك
أنا بيها وحققتهالك مع
حلم السنين إن نكون
لبعضنا مهما حصل لينا
اذكريني وأذكري الرمل
والموج اللي على شاطئ
البحر اللي مشينا في
يوم عليه
اذكريني وقولي ليهم
إني أنا شمسك وقمرك
ونورك وقت السكون
ووقت الظلام
اذكريني وأذكري أيام الصبا
والشقاوة اللي كانت بينا
وليالي السهر والحب والحنان
طلعت نعاس الفرجاني
المحرر الصحفي: أساهي فريد
المراسل الصحفي: محمد جميل عبد الزهرة
المحرر الصحفي: بسام أحمد العبدالله
