أنا سياسى كلمات…………..أيمن البكرى

أنا سياسى

كلمات…………..أيمن البكرى

وأهى ماشيه
يوم حلوه ويوم وحشه
ويوم قاسيه
يوم بضحك ويوم ببكى
ويوم جارحه
يوم بحزن ويوم ببقا
طاير من الفرحه
يوم بيعدى كأنه كابوس
بتمنى إنى لو كنت معشتوش
ويوم بتبقى
عروسه لابسالى الطرحه

أنا سياسى
بسايس الدنيا علشان أعيش
وبحمد ربنا
على اليوم إل بيعدى
فيه ما أبكيش
بتاخدنى الدنيا
قلمين على وشى
وتسلمنى لل الإيام
أبقا مستنى
حد يقولى معلهش
ألاقيها بتهدلى أحلام
أيامى كلها
بقت شبه بعضها
وذى ما بصحى بنام
ولو حد سألنى عامل ايه
بكدب عليه وبقوله كله تمام

أنا سياسى
بسايس الدنيا والناس والإيام
لا عمرى ببيع ولا عمرى بخون
ولا بعرف أكون قاسى
ومهما يجى الناس عليا
ومهما تبكى عنيا
بعدى وبقول ماشى
الكل ناسينى نفسى ياعينى
نفسى الاقينى
على برك في يوم راسى

أنا سياسى
بسايس الناس
ياما إشتريت غالى
وباعونى ببلاش
وياما عيون فيهم
بتوحشنى
وأبقا عايز أجرى عليهم
وعزة نفسى بتحوشنى
وياما ناس بتسامح وتنسالهم
وتقفلك على غلطه مبتنساش

وأهى ماشيه
يوم حلوه ويوم وحشه
ويوم قاسيه
يوم بضحك ويوم ببكى
ويوم جارحه
يوم بحزن ويوم ببقا
طاير من الفرحه
يوم بيعدى كأنه كابوس
بتمنى إنى
لو كنت معشتوش
ويوم بتبقى عروسه
لابسالى الطرحه

Avatar

صحيفة نحو الشروق

صحيفة جزائرية إلكترونية ورقية أدبية فنية ثقافية شاملة

Related Posts

الصبر بقلم الكاتبة والأديبة اللبنانية ملفينا ابومراد

الصبر كم قيل في الصبر من المحاسن، حتى في الكتاب المقدس، حيث يُعدّ الصبر من ثمار الروح، ومن علامات الرجاء والإيمان .ففي رسالة القديس بولس إلى أهل رومية (8:‏25)، يقول“لَكِنْ…

وحي ظلك بقلم يسار الحبيب

وحي ظلك ضع شهقتين على دروب قصيدتيلأسوس أســـراب الحــروف وأحـــذراأنا لسـت حـوذيَّ النــصوص، وإنــــماورّطتَ قلبي…. مـــذ عرفتــك أسـمراأنـا غــارق في النصّ أبحث عن غدٍمنذ امـــرئ القـــيس استـجار بقيصرايا آخــــر الأحــــزان…

اترك تعليقاً