صحيفة نحو الشروق
إوعَاَك فى يوم
إوعاك فى يوم
اليأس يخطف فرحتك
ولا الغيوم
تِتوهك عن سِكتك
وإنسَاَ الهُموم
إياك تفارق ضِحكتك
ويا النجوم
إحلم بيوم فيه بهجتك
وفى العموم
إختار كويس صُحبتك
وبلاش تِلوم
على اللى صَاين عِشرتك
وقت اللزوم
حيكون معاك فى شِدتَك
وبلاش تِحُوم
على الحَرَاَم فى مِحنِتَك
ما يُوم يِدُوم
غير الحلال ولا يسندك
وإن كان يدوم
فأكيد يِزَود بلوتك
وإيَاَك تِعوم
مع كدابين من صُحبتك
دا الكدب شُوم
ممكن تكون فيه آخرتك
إصحا وقوم
يِكفَا اللى ضَاَع من دُنيتك
وكفايه نُوم
كُون مُستَعِد لآخرتك
محمد عنانى
المحرر الصحفي: أساهي فريد
