صحيفة نحو الشروق صحيفة نحو الشروق
مقالات مشابهة
الشاعر حسن محمد خليل
محتاج لها
ةةةةةةة
محتــــاج لهــــا
أنام فى حضنها
أتونِّس بيها وبحنان قلبها
أريَّح حبة على صـــدرها
احكيلها عني واشكى لهـا
على غدر الدنيــا وظلمها
ليه الضميــــر مات
من جوَّه قلوب كتير
مبقاش صغير بيحترم كبير
ولا بيكبرلها
حتى الاحساس
ضاع من بعض قلوب الناس
على الفقير داس ولا حَن لها
معدش جيران زى زمان
تحس معـــاهم بالأمـــان
ولا تطمن لها
حتى الخلايـــق
بسرعة تتخانق
من أقل شيء وتضايق
وبتاكل فى بعضهــا
حتى الأسلــــوب
بقى كلوا معيوب
والعدل بقا مقلوب
والفاظ تستاء تسمع لهاى
حتى الصديق
مبقاش فى وقت ضيــق
يقف معاك ويكون رفيق
والأزمة يحلها
حتى الحبـــايب
اللي فى حبهم دايب
فجأة يسافروا ويسيبوك
فى الدنيا غايب
وتقضي عمرك عايش على ذكرى لها
واللى إنت واقف معاهم
فى فرح وحزن وياهــم
لو ميِّلْت وطلبت رضاهم
يسدوا ودانهم للمشكلة
ولا يسمعلها
حتــى المرتشى
مبقاش يختشي
بكل بجاجة بيرتشي
وبيحكي عنهـــا
حتى العمارات
مبنية زي الديكورات
فجأة تقــع وانهيارات
وناس بتموت ولاحد بيسال عنها
ياخوانا ايه جرالنا
اتغير حالنا مبقناش نشغل روحنا
الا باللي بيحرق دمها
من بعدك يامه
اتبحطــــرت اللمَّــة راحت الضمــة
والحنان راح من الناس ومن قلبها
كلى مرارة بعدك خسارة
وعيوني محتـــــــارة مش
لاقية مرسى لها
ضاع الأمــان
ومفيش حنان
ومليش انسان من بعدها
وقلبي مكسور جواه مقهور
فى عــــز النور
شايف الضلمة
ياربي امي من بعدها
صبرنى لحد ما أَرُحْلها
محتاج لها
المهندس
حسن محمد خليل
Hi there! Do you use Twitter? I’d like to follow you if that would be okay. I’m absolutely enjoying your blog and look forward to new updates.|
I used to be able to find good info from your blog posts.|