الناقد الاديب: أبو أحمد عدنان الكناني
لیش گلبك للغدر شیدته بیت
ردته معبد ما ردت گلبك طوی
الظاهر ارتاحیت من عني مشیت
وبیها نور عیونك تمیز الضوا
بعده طولك فارع بحسنك زهیت
مو مثل طولي شبه غصن التوی
تگدر تشم العطر یمتی اشتهیت
وآنا ریتي تزاعلت ویه الهوا
یا برودة گلبك بگلبي شچویت
بروحي نار الشوگ نزاعة شوی
اغرس احلامي ورد وشهگها صيت
و انت أحلامك وطر ليلة غوا
براسي قصه بغیبتك ترجمها بیت
( یا فؤادي لا تسل این الهوی )
يا هزار بواحتي شگد غرديت
هسه ذيب الهجر بسواري عوا
بیني وبینك عهد چنك نسیت
گتلي حتی الموت نتشارك سوا
نبعه نبعه مناطرك لمن رویت
وما هو چفي الشفته بسلاله حوا
آه يتعبي الراح عد غيري صفيت
والجنی اثمارك طحن حتی النوی
تهنى یلعایش هني واحسبني میت
والطبیب أیس گطع حتی الدوا
والطبيب أيس گطع مني الدوا
بقلمي .. حسن علي ابو ناصر
المحرر الصحفي: أساهي فريد
Do you have a spam issue on this blog; I also am a blogger, and I was curious about your situation; we have developed some nice procedures and we are looking to swap methods with other folks, please shoot me an email if interested.|