عطشان ياناس ونفسي أشرب
شوية فرح من صغري
هموم تجري ملحقانه
ووخدانه لكأس المر سقيانه
وكان بدري يادنيا مازال
غمستينا فى بحر الدمع
حبستينا فى سجن الحزن
ومين ياختي عطاكي الإذن
تعملينا بدون رحمه
حياه زحمه من الصدمات
عمر وفات
ياإما دمع يإما أهااات
كتبنا كتير فيكي دواوين
مارديتي
وطبع سكات
عشان عاجبك كدا الأزمات
م الإمتحانات كدا كفايه
وقت طويل وبنذاكر
ومنيش فاكر
رسبت فيه ولا مره
وبتعيدي تانى الكره
جروح م النزف ما تبرى
وسيادتك بينا ما تدري
تعالي إحكي
دا منك؟
دا من الناس؟
ومين الناس؟
من الحكام؟
من اولادي؟
من أصحابي؟
من أحفادي ؟
من مين الباس؟
ردي عاليا حاكيني
عشان نمسح من الكراس
كتاباتي
كتاباتي بسن رصاص
كان عندي إحساس
يجيني يوم ونمحي كتير من الأوجاع
وميييين لينا باع
كفايا صراع
ومنين نجيب أنا قاضي
يعيد الحكم ع الماضي
عشان نرتاح
كفاكي أوجاع