اغنية بقلم قمر بنصالح بعنوان ” غريبة يا دنيا”

و دي دنيا و عايشينها
و دي سكّة و ماشينها
و دي أيّام تفوت و تمر
واخذانا مافاهمينها…

كأس الجرح و شربناه
وجع القلب جرّبناه
و ليل الآه صاحبنا
سمع شكوانا تعّبناه…

غريبة يا دنيا ما لكش أمان
بتيجي يا ما على المسكين
الطيب ما بقالوش فيك مكان
سلاحك قاتل بو حدين…..

يوم شمسك تملى قلوبنا حنان
ب تطبطب و تفرحنا يومين
و أوام بيجي الليل زعلان
يغرقنا في الحزن سنين………

غدارة ليه يا بنت الايه
ما بتصفيش ابدا للغلبان
بتعملي قيمة بس لل بيه
و الفقري يعيش فيك متهان……

و حتى في الحب ما لناش نصيب
نفرح زي غيرنا كمان
ما بقاش في صاحب و لا حبيب
كلهم بقوا في الكذب إخوان…..

لما مصالحهم تجيبهم
يسمعوك أجمل كلام
و لو تخلص ما تبقاش حبيبهم
تبقوا يا دوب سلام سلام…..

غريبة يا دنيا و غريبة ناسك
يا ليت نلاقي ثوب قياسك
لو نلبسه يطلع علينا
ما كانش قطم ظهرنا فأسك……