ياه علي الوجع لما يعصر
بالقلب عصر
كانك يا واد ملاك الشيب
وفاتك القطر
لساك بتنظر عيونه كيفها
تخون الوعد
وتقول قريت من كلامها
انه يصون العهد
قالو يا ولدى زمان عدوك
صديقك
دق قلبى لا
وفى ليله شد السهام
ودق الضلوع دق
كانى لمحت الظلام
بنور البرق
ياه على الوجع لما يعصر
بالقلب عصر
كانى يا ناس انتهيت
قبل الميعاد بميعاد
وان قالو تنسى الوجع
قولت الوجع بميعاد

يا دنيا فيك العجب
ما بترسي يوم على حال
ياما نخاف البعيد
وجرح القريب قتال
كانه بسيفه الحسام
قطع يا ناس لاوصال
وعجبى
كيفك يا طير بتطير
وانت بجناح
مكسور
غاوى يطول
الوجع
ولا القليب
محسور
شقت ضلوعك
سهام
ولساك يا طير
رماح
وكيفك تداوي
الجراح
وانت يادوب
بجناح
وعجبى
قالى يا حسن
كانك ياواد
مسطول
ما يحس وجع
الطيور
الا ولاد الاصول
راح افرد
جناحى الحزين
واعلى لفوق
القصور
وادعى لرب الكون
انك تكون
مستور
اصلى بحس
الوجع
من نظرة
عيون الصقور
ياه على الوجع
لما يعصر
بالقلب عصر
كانك ملاك الشيب
وفاتك القطر

بقلم الشاعر : حسن حلمى