حورية
٠٠٠٠٠
اكتب عنها ايه
القمر وهو حاضن عنيه
الزمن وهو ف أجمل لياليه
اكتب عنها ايه
ياريت يالهفتي تهدي عليا
ياريت يا دقتي ترحمي شوية
وحبي اقدر اداريه
ياللي ساكنة جوايا ومنايا
هدوء ليلك مقدرش عليه
اكتب عنها ايه
هي دي اللي بدور عليها
هي دي اللي عطشان لياليها
هي دي اللي كل مشاعري
وحواسي ونبض شعري
حتى اللي فات من عمري
حاسس بيها وبيناديها
هي دي فرحة العمر
و اللي بحلم بيه
ياللي ساكنة جوايا ومنايا
هدوء ليلك مقدرش عليه
اكتب عنها ايه
اكتب قمراية ولا سكراية
ولا فرحة حلوة واجمل غنواية
بتغرد أجمل لحظات هنايا
ياللي ساكنة جوايا ومنايا
هدوء ليلك مقدرش عليه
اكتب عنها ايه
معقول حورية جاية من الجنة
معقول لياليا تعشقها واتهنى
معقول زماني رضي عني وعوضني
وفرحني بيها وبحنية لياليها شربني
عايزانى أصدق انك انسية
خلي شمسك تصحي عنيه
وقولي ليه بحرك بيغرقني
وليه جمال سحرك بيتوهني
وشايف ف عنيكي العالم واللي فيه
ياللي ساكنة جوايا ومنايا
هدوء ليلك مقدرش عليه
اكتب عنها ايه
حورية
كلمات على عبدالرحيم محمد