…… بحبك …..
بحبك بحبك بكل اللغات
بحبك وبعلن بكل ثبات
وبعشق ياعمري فيك حاجات
بتحيلي روحي بعد الممات

وبسرح وافكر مع العندليب
وسومة تغني ف هوى الحبيب
وتشكي العذاب بكلمة عتاب
وكلمة بحبك بتحي اللهيب

والاقي طيفك يغازل عيوني
ولمست ايديك تصحي جفوني
ونسمة هواك وصوتك نادوني
وقالوا بحبك يانبضي وجنوني

عشقت الدنيا بقربك ياعمري
وزاد اشتياقي لهيبي وجمري
ولما تغيب ماتطلعلي شمسي
ويبقي نهاري ياعمري امسي

ولما بشوفك تترد روحي
وبنسي ببعدك عذابي وجروحي
وعطر هواك ياخدني لفوق
وببقي اميرة فى قمة شموخي

بحبك بحبك وما فيهاش سكات
وابيع عمري كله فدا لحظات
اكون بين ضلوعك أعيشها لساعات
ده عشقي لترابك حتى الممات
الشاعرة
ايمان عبدالله والى